Gwrthdrawiad: Dwy ddynes wedi marw a bachgen 3 oed yn yr ysbyty
- Cyhoeddwyd
Fe ddigwyddodd y gwrthdrawiad ar Heol Fochriw am 10:15 fore Mawrth
Mae dwy ddynes wedi marw a bachgen bach tair oed yn yr ysbyty yn dilyn gwrthdrawiad ger chwarel lechi yn Sir Caerffili.
Bu farw dwy ddynes, 30 a 79 oed, yn y digwyddiad ar Heol Fochriw, ger Pontlotyn am 10:15 fore Mawrth. Roedden nhw'n teithio mewn car Citroen C3 glas.
Cafodd bachgen tair oed ei anafu a'i gymryd i'r ysbyty ble mae mewn cyflwr sefydlog, medd Heddlu Gwent.
Mae dyn 22 oed - a oedd yn teithio mewn Ford Ranger gwyn - hefyd yn yr ysbyty gydag anafiadau difrifol. Mae yntau mewn cyflwr sefydlog, meddai'r heddlu.
Mae teulu'r menywod yn cael eu cefnogi gan swyddogion arbenigol ac mae'r heddlu yn apelio am wybodaeth.
Roedd teyrnged ger safle'r digwyddiad ddydd Mercher