Arestio dyn wedi i ddau gael eu trywanu ym Merthyr
- Cyhoeddwyd
Mae dyn wedi ei arestio wedi i ddau berson gael eu trywanu ym Merthyr Tudful.
Cafodd yr heddlu a pharafeddygon eu galw i eiddo yn Stryd Brynmorlais am 08:30 fore Sul.
Cafodd dyn a dynes oedd wedi cael eu trywanu eu cludo i Ysbyty Tywysog Siarl y dref. Nid yw eu cyflwr yn hysbys.
Dywedodd Heddlu De Cymru fod dyn 52 oed o Benydarren, Merthyr Tudful, wedi ei arestio ar amheuaeth o affräe.
Mae ditectifs yn credu bod yr ymosodwr wedi ffoi o'r lleoliad mewn Vauxhall Astra gwyn, gyda'r heddlu'n apelio ar unrhyw un sydd â gwybodaeth i gysylltu â nhw.