Gwrthdrawiad A470: Dyn wedi marw a dau yn yr ysbyty
- Cyhoeddwyd
Bu'r A470 rhwng Storey Arms ac Aberhonddu ynghau am sawl awr wedi'r digwyddiad
Mae dyn wedi marw a dau arall wedi eu cludo i'r ysbyty ar ôl gwrthdrawiad difrifol ar yr A470.
Un car Ford Focus du oedd yn rhan o'r digwyddiad ar y ffordd o Storey Arms i Aberhonddu, meddai Heddlu Dyfed-Powys.
Dywedodd y llu eu bod wedi derbyn adroddiad o'r digwyddiad toc wedi 05:00 fore Mercher.
Daeth cadarnhad yn ddiweddarach fod dyn 48 oed wedi marw, gyda dau ddyn arall wedi'u cludo i'r ysbyty gydag anafiadau difrifol.
Fe agorodd y ffordd am tua 15:00 brynhawn Mercher, gyda'r heddlu yn apelio am wybodaeth neu unrhyw luniau camera cerbyd.