Y Cymro Elfyn Evans yn ennill Rali Croatia
- Cyhoeddwyd
Llwyddodd Elfyn Evans i guro'i wrthwynebwyr o 27 eiliad
Fe wnaeth y Cymro, Elfyn Evans, ennill Rali Croatia ddydd Sul.
Yn dilyn wyth cymal ddydd Gwener, roedd Evans yn eistedd 5.7 eiliad y tu ôl i Thierry Neuville.
Ond ar ôl i Neuville gael gwrthdrawiad ddydd Sadwrn, fe aeth y Cymro ar y blaen.
Aeth Evans a'i gyd-yrrwr Scott Martin i mewn i ddydd Sul ar y blaen o 25.4 eiliad.
Llwyddodd i ymestyn i 27 eiliad erbyn diwedd y ras er mwyn bachu'r fuddugoliaeth.
Mae'n golygu bod Evans yn hafal ar frig y bencampwriaeth ar hyn o bryd gyda Sebastian Ogier, a hynny wedi pedair o'r 13 rali.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.