Lluniau: Gŵyl Rhuthun 2023

3 Gorffennaf 2023

Haia

Yn dilyn wythnos o ddigwyddiadau - o farddoni a phitsa, i Shakespeare a chyngerdd côr - daeth Gŵyl Rhuthun i uchafbwynt ddydd Sadwrn 1 Gorffennaf, gyda gigs ar lwyfannau yn Top Dre.

Daeth cannoedd o bobl draw i fwynhau perfformiadau gan Yws Gwynedd, Candelas, Welsh Whisperer a mwy, a phawb yn eu hwyliau!

Tyrfa — Disgrifiad o’r llun,
Daeth cannoedd ynghyd i Top Dre i weld y perfformiadau ar y ddau lwyfan oedd yno, i ddathlu diwedd wythnos o weithgareddau

Y bois yn cael hwyl — Disgrifiad o’r llun,
Cyfle am beint neu ddau gyda ffrind

Dawnsio Gwyddelig — Disgrifiad o’r llun,
Daeth rhai o ddisgyblion Rogers Academy of Irish Dance draw i arddangos eu sgiliau

O ma' bywyd mor braf! — Disgrifiad o’r llun,
O ma' bywyd mor braf, chwedl Yws Gwynedd

Yws Gwynedd a'r Band — Disgrifiad o’r llun,
... ac roedd bywyd yn sicr yn braf i Yws a'i fand, a chwaraeodd slot olaf y noson i gloi'r holl ŵyl

Heloooo — Disgrifiad o’r llun,
Hwyl i'r teulu i gyd!

Welsh Whisperer — Disgrifiad o’r llun,
Welsh Whisperer yn sicrhau ei fod wedi gwisgo mewn lliw addas ar gyfer y lleoliad...

Tair merch yn mwynhau — Disgrifiad o’r llun,
Tywydd gwisgo blodau yn eich gwallt

Pib Wyddelig — Disgrifiad o’r llun,
Roedd cerddoriaeth Wyddelig i'w chlywed hefyd, gan y band lleol Wee Bag Band

Pawb yn hapus — Disgrifiad o’r llun,
Ffansi diod?!

Candelas — Disgrifiad o’r llun,
Roedd Candelas yn chwarae i'r dyrfa fywiog

Osian Candelas — Disgrifiad o’r llun,
... ac Osian, y prif leisydd, yn cael modd i fyw!

Hen ffrindiau — Disgrifiad o’r llun,
Cyfle i gael treulio amser yng nghwmni hen ffrindiau

Yws Gwynedd yn tynnu tafod — Disgrifiad o’r llun,
Oi! Yws Gwynedd yn cael hwyl wrth berfformio

Tyrfa Top Dre — Disgrifiad o’r llun,
Roedd y sgwâr dan ei sang, ac roedd angen help llaw (neu ysgwydd) ar rai i gael gweld y llwyfan yn well

Hefyd o ddiddordeb:

Pynciau cysylltiedig