Beiciwr modur a gyrrwr wedi marw mewn gwrthdrawiad ar yr A48
- Cyhoeddwyd
Mae'r A48 wedi bod ynghau rhwng Y Bont-faen a phentref Tresimwn trwy gydol dydd Gwener
Mae dau ddyn wedi marw yn dilyn gwrthdrawiad rhwng car a beic modur ar yr A48 ym Mro Morgannwg.
Cafodd Heddlu De Cymru eu galw i'r digwyddiad rhwng Y Bont-faen a phentref Tresimwn am tua 04:25 fore Gwener.
Dywedodd y llu fod dau ddyn - y beiciwr modur a gyrrwr y car - wedi marw yn y fan a'r lle.
Mae'r ffordd wedi bod ynghau trwy gydol dydd Gwener wrth i'r heddlu ymchwilio i'r digwyddiad.
Maen nhw'n apelio ar unrhyw dystion sydd eto i gysylltu â nhw i wneud hynny.