Cyhoeddi rhestr fer Albwm Cymraeg y Flwyddyn 2023

Bwriad y wobr, yn ôl y trefnwyr, yw dathlu pob math o gerddoriaeth Gymraeg

Mae'r Eisteddfod Genedlaethol wedi cyhoeddi pa artistiaid sydd wedi cyrraedd rhestr fer Gwobr Albwm Cymraeg y Flwyddyn eleni.

Bwriad y wobr, sy'n cael ei threfnu ar y cyd gyda BBC Radio Cymru, yw "dathlu pob math o gerddoriaeth Gymraeg" yng Nghymru ar hyn o bryd.

Mae naw albwm ar y rhestr a'r amrywiaeth o ran cerddoriaeth ac arddull yn cwmpasu alawon gwerin, "pop arallfydol" ac "agwedd pync".

Fe gafodd enwau'r rhai a ddaeth i'r brig eu cyhoeddi ar raglen Huw Stephens ar Radio Cymru nos Iau.

Rhestr fer 2023

• Adwaith - Bato Mato

• Sŵnami - Sŵnamii

• Pedair - Mae 'na Olau

• Rogue Jones - Dos Bebes

• Cerys Hafana - Edyf

• Fleur de Lys - Fory ar ôl Heddiw

• Kizzy Crawford - Cariad y Tir

• Dafydd Owain - Uwch Dros y Pysgod

• Avanc - YN FYW (Live)

Y beirniaid eleni oedd Iwan Teifion Davies, Marged Siôn, Gwenno Roberts, Mirain Iwerydd, Dom James, Dafydd Hughes ac Aneirin Jones.

Fe fydd enillydd y gystadleuaeth yn cael ei gyhoeddi yn Eisteddfod Genedlaethol Llŷn ac Eifionydd ddydd Gwener 11 Awst.