Cwpan FA Lloegr: Casnewydd 2-0 Oldham

Fe sgoriodd Shane McLoughlin ddwywaith i Gasnewydd brynhawn Sadwrn

Er iddyn nhw gael llawer iawn o'r meddiant doedd yna ddim sgôr i Oldham yn erbyn yr Alltudion brynhawn Sadwrn.

Ar ôl ugain munud fe gafwyd ergyd droed dde gan Shane McLoughlin o Gasnewydd o du allan i'r blwch cosbi ac fe rwydodd yng nghanol y gôl.

Cadwodd golwr Casnewydd, Nick Townsend, y gêm yn gyfartal gan arbed peniad Joe Nuttall.

Daeth ail gôl i Gasnewydd ac i Shane McLoughlin ar ôl 80 munud wrth iddo gicio'r bêl ar draws i ganol y rhwyd.

Mae Casnewydd felly yn camu ymlaen i'r rownd nesaf yng nghwpan yr FA.