Dyn 51 oed wedi marw mewn gwrthdrawiad ym Mro Morgannwg
- Cyhoeddwyd
Roedd safle'r gwrthdrawiad tua milltir i ffwrdd o Gastell Ffwl-y-mwn
Mae beiciwr modur wedi marw yn dilyn gwrthdrawiad rhwng dau gerbyd ar y B4265 ym Mro Morgannwg.
Cafodd yr heddlu eu galw i'r digwyddiad rhwng Maes Awyr Caerdydd a Llanilltud Fawr am tua 13:10 brynhawn Sadwrn.
Er gwaethaf ymdrechion parafeddygon bu farw dyn 51 oed yn y fan a'r lle ac mae ei deulu bellach yn derbyn cefnogaeth gan swyddogion arbenigol.
Roedd y ffordd ar gau am rai oriau wedi'r digwyddiad ac mae Heddlu De Cymru wedi diolch i'r cyhoedd am eu dealltwriaeth a'u cydweithrediad.
Yn ogystal, mae'r llu wedi galw ar unrhyw dystion neu unrhyw un sydd â lluniau fideo all fod o ddefnydd i'r ymchwiliad i gysylltu â nhw.