Llandudno: Arestio gyrrwr bws ysgol am droseddau cyffuriau
Cafodd y dyn ei arestio ar yr A5 ger Corwen brynhawn Mawrth
- Cyhoeddwyd
Mae gyrrwr bws ysgol wedi ei arestio ar amheuaeth o yrru dan ddylanwad cyffuriau.
Cafodd y dyn 45 oed o ardal Llandudno ei arestio toc wedi 17:00 brynhawn Mawrth ar yr A5 ger Corwen ar ôl methu prawf cyffuriau ar ochr y ffordd.
Fe wnaeth y dyn brofi'n bositif i fod dan ddylanwad canabis.
Nid oedd unrhyw ddisgyblion ar y bws ar y pryd.
Mae'r dyn bellach wedi ei ryddhau dan ymchwiliad tra bod disgwyl canlyniadau o ragor o brofion gafodd eu cynnal.
Mae Heddlu Gogledd Cymru wedi cadarnhau fod yr ysgol, yr awdurdod lleol a'r cwmni bws yn ymwybodol o'r digwyddiad.