Sir Gâr: Arestio menyw ar amheuaeth o ddynladdiad

Mae Heddlu Dyfed Powys wedi cadarnhau bod menyw wedi cael ei harestio ar amheuaeth o ddynladdiad trwy esgeulustod dybryd yn dilyn marwolaeth plentyn.

Dywedodd yr heddlu bod swyddogion wedi eu galw i Langynnwr, Sir Gaerfyrddin, tua 18:00 ar 20 Chwefror.

Dywedodd swyddogion bod y ferch "mewn cyflwr gwael" a'i bod hi wedi ei chludo i'r ysbyty, lle bu farw'n ddiweddarach.

Dydi Heddlu Dyfed Powys heb gyhoeddi oed y ferch fu farw ond mi ddywedon nhw bod eu hymchwiliad yn parhau.