Faletau ddim ar gael ar gyfer gemau'r hydref oherwydd anaf

Cafodd Faletau ei anafu yn ystod buddugoliaeth Caerdydd yn erbyn Caeredin ddydd Sadwrn

Ni fydd wythwr profiadol Cymru, Taulupe Faletau, ar gael ar gyfer gemau'r hydref yn dilyn anaf i'w ben-glin.

Cafodd ei anafu ychydig funudau i mewn i fuddugoliaeth Caerdydd yn erbyn Caeredin ddydd Sadwrn.

Mae Olly Cracknell, sy'n chwarae dros Leicester Tigers, wedi cymryd ei le yn y garfan.

Dywedodd prif hyfforddwr Cymru, Steve Tandy, bod colli Faletau yn "siomedig iawn" wrth iddo baratoi i wynebu'r Ariannin ar 9 Tachwedd cyn gemau yn erbyn Japan, Seland Newydd a De Affrica.

Ychwanegodd bod "Olly wedi bod yn chwarae'n dda iawn i Leicester ac rydym yn gyffrous i'w ychwanegu at y garfan".

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.