Eisteddfod yr Urdd: Sut mae cyrraedd y maes?

4 awr yn ôl

A fyddwch chi yn teithio i Barc Margam yr wythnos hon ar gyfer Eisteddfod yr Urdd Dur a Môr?

Os felly, mae modd i chi gyrraedd y maes mewn car neu ar drafnidiaeth gyhoeddus.

Mae Parc Margam wedi ei leoli rhwng cyffordd 37 a 38 yr M4.

Mae'r Urdd yn annog pobl i ddefnyddio trafnidiaeth gyhoeddus i gyrraedd yr ŵyl.

Sut i gyrraedd yn y car?

O'r gorllewin:

Dewch oddi ar yr M4 o gyffordd 38
Yng nghyfnewidfa Margam cymrwch yr allanfa cyntaf ar yr A48 tuag at Bort Talbot
Bydd arwyddion melyn yr Eisteddfod yn eich cyfeirio at y meysydd parcio o fewn Prif Fynedfa Margam

O'r dwyrain:

Dewch oddi ar yr M4 o gyffordd 37
Dilynwch allanfa A4229 i Borthcawl/Pîl
Yng nghyfnewidfa Pîl, cymrwch y trydydd allanfa ar yr A4229
Wrth y gylchfan cymrwch yr ail allanfa i ffordd Pîl/A48
Parhewch ar y ffordd hon nes i chi weld arwyddion melyn yr Eisteddfod a fydd yn eich cyfeirio at y meysydd parcio

Os yn defnyddio Sat Nav - defnyddiwch y cod post SA13 2TJ os yn dod o gyffordd 38.

Os yn dod oddi ar gyffordd 37, defnyddiwch y cod post SA13 2TG

Cymrwch y trên i orsaf Parcffordd Port Talbot
Bydd gwasanaeth bws wennol yn rhedeg o'r orsaf drenau yma i Faes yr Eisteddfod ac yn ôl yn ystod yr wythnos
Bydd y bws yn eich gollwng ym mhrif fynedfa'r Maes
Mae'r gwasanaeth am ddim i'r cyhoedd
Bydd y bysus gwennol yn mynd rhwng 06:30-21:56 o ddydd Llun i Iau ac yn mynd o 06:30-23:26 ddydd Gwener a Sadwrn

Bydd modd i chi ddilyn y cyffro o'r maes drwy'r wythnos ar ap ac ar wefan Cymru Fyw.