Pobol y Cwm yn 50: Fy hoff straeon gwych a gwallgo'

Mae Gruffydd Siôn Ywain yn siwpyr-ffan o'r opera sebon Pobol y Cwm, sydd yn dathlu ei phen-blwydd yn 50 oed ar 16 Hydref 2024, ac yn cofio pob un manylyn am bob un stori sydd wedi bod dros yr hanner canrif (... bron).

Yma, mae Gruffydd yn rhannu ei gariad tuag at ei hoff raglen deledu, ac yn sôn am rai o'i hoff straeon sydd yn parhau yn y cof.

Ac er y byddai wedi gallu rhestru degau o straeon mwyaf cofiadwy y gyfres dros y blynyddoedd, meddai, mae wedi penderfynu canolbwyntio ar y rhai oedd ychydig mwy... od...

"'Na fe'n un mowr!" chwedl Mrs Mac, eicon Gruffydd Siôn Ywain

"Gruffydd Sion Ywain dwi, gohebydd Cymru Fyw yng Nghwmderi.

"Mae 'na sôn mod i’n superfan o’r gyfres. Ac ydi, mae'n bosib fy mod yn ymddiddori yn helyntion Megan Harries fwy na’r rhan fwyaf o bobl, a do, mi es i’n star- struck i gyd pan weles i Gillian Elisa mewn caffi un tro...

"Mae fy nheulu yn taeru fy mod fel plentyn ifanc yn dawnsio pryd bynnag oedd cerddoriaeth gyfarwydd credydau agoriadol Pobol y Cwm i’w glywed ar y teledu.

"Pan symudais i Lundain daeth S4C ar gael dros y we am y tro cyntaf ac roedd cael rhywbeth Cymraeg i'w wylio yn rheolaidd yn atgof o adref.

"Y llynedd cefais y fraint o wylio’r bennod gyntaf i mi ei hysgrifennu yn cael ei recordio o 'nghuddfan yng nghefn y Deri Arms tra bod Sue Roderick a Victoria Plunkett yn dod â ngeiriau yn fyw gyda’u perfformiad.

Gruffydd neu Maggie Post? Ar daith ar y set yn 2018

"Superfan neu beidio, mae un peth yn sicr - o’r cychwyn cyntaf mae Pobol y Cwm wedi bod yna, yn rhan o’m mywyd bob dydd. Weithiau yn y blaendir wrth i’r gyfres groesi gyda’m mywyd proffesiynol neu wrth i stori arbennig fynnu cael ei drafod yn dwll gyda ffrindiau.

"Ar adegau eraill mae yn y cefndir. Yn ugain munud o’r dydd sy’n mynd a dod heb sylw.

"Mae o wastad yna, ac wedi bod ers 50 mlynedd erbyn hyn a gobeithio wir bydd yn parhau i fod yno am y 50 mlynedd nesa' hefyd."

Hoff straeon gwych a gwallgo' Gruff

Rhaid rhoi canmoliaeth uchel i rhain... y straeon wnaeth ddim cweit 'neud y cut

• Pat a Dave, y swingers

• Marwolaeth ffug Iori

• Boob job Michelle Hill

• Tatŵ Cilla (o enw Mark Jones)

• Atgyfodiad Anti Marian

A beth yw'r pump uchaf? Gwyliwch y fideo uchod i ffeindio allan...