Caernarfon: Arestio dyn ar amheuaeth o gynnau tân yn fwriadol
Cafodd swyddogion eu galw i ardal Cae Llwybr am tua 14:00 brynhawn Llun
- Cyhoeddwyd
Mae dyn wedi cael ei arestio ar amheuaeth o gynnau tân yn fwriadol yn dilyn digwyddiad yng Nghaernarfon.
Cafodd y gwasanaethau brys eu galw i Gae Llwybr yn y dref am 14:03 brynhawn Llun yn dilyn adroddiadau o dân mewn adeilad preswyl.
Dywedodd Heddlu'r Gogledd fod dyn 32 oed wedi cael ei arestio ar amheuaeth o gynnau tân yn fwriadol gyda'r bwriad o beryglu bywyd.
Mae swyddogion yn galw ar unrhyw un sydd â gwybodaeth all fod o ddefnydd i'r ymchwiliad i gysylltu â nhw.