Arian Plant Mewn Angen yn rhoi gwên ar wynebau yn Aberystwyth

Cyn i Aled Hughes gychwyn ar ei daith gerdded o 135 o filltiroedd mewn saith diwrnod, aeth i weld sut oedd arian Plant Mewn Angen yn helpu rhai sefydliadau yng Nghymru.

Cafodd Miller ei eni gyda chyflwr Spina Bifida, ac ar y cychwyn doedd ei rieni ddim yn siwr os fyddai byth yn gallu cerdded.

Erbyn hyn, mae Miller yn blentyn egnïol a hyderus sy'n hoff o chwaraeon - yn enwedig pêl-fasged cadair olwyn.

Mae Clwb Pêl-Fasged Cadair Olwyn Aberystwyth yn derbyn arian gan Plant Mewn Angen er mwyn sicrhau eu bod nhw'n gallu parhau i gynnal sesiynau a chefnogi datblygiad plant fel Miller.

Mae rhieni Miller yn teithio awr bob wythnos i gyrraedd y clwb, ond yn dweud y bydden nhw'n gwneud y daith bob un dydd petai angen oherwydd y wên mae pêl-fasged cadair olwyn yn ei roi ar wyneb Miller.

I glywed y sgwrs, ac am yr holl fanylion cyfrannu, dilynwch y linc bbc.co.uk/heranferthaled