Canfod dyn yn euog o lofruddiaeth yng Nghaerdydd

Dywed teulu James Brogan ei fod yn berson hael, gofalgar ac ystyriol oedd wrth ei fodd yn gwneud iddyn nhw chwerthin

Mae dyn 20 oed wedi cael ei ganfod yn euog o drywanu dyn 43 oed i farwolaeth yng Nghaerdydd.

Fe wnaeth rheithgor yn Llys y Goron Casnewydd ganfod Georgie Tannetta, o ardal Trowbridge y brifddinas, yn euog o lofruddiaeth ddydd Iau.

Cafodd James Brogan, o ardal Llaneirwg, ei ganfod gydag anafiadau difrifol ar Coleford Drive ar 12 Tachwedd 2024, a bu farw yn yr ysbyty yn ddiweddarach.

Cafodd ei ddisgrifio gan ei deulu fel "tad balch, hael a charedig".

Bydd Tannetta yn cael ei ddedfrydu ar 27 Mehefin.