Beiciwr modur wedi marw yn dilyn gwrthdrawiad yn Sir Benfro

Digwyddodd y gwrthdrawiad tua 23:15 nos Wener i'r gorllewin o gylchfan Pont Canaston

Mae beiciwr modur wedi marw yn dilyn gwrthdrawiad ar yr A40 yn Sir Benfro ddydd Gwener.

Digwyddodd y gwrthdrawiad tua 23:15 nos Wener i'r gorllewin o gylchfan Pont Canaston, yn ardal Hwlffordd.

Y beic modur oedd yr unig gerbyd yn y gwrthdrawiad.

Fe gafodd y person ei gludo i’r ysbyty lle bu farw.

Mae teulu’r beiciwr modur wedi cael gwybod ac yn cael eu cefnogi gan swyddogion arbenigol.

Mae Heddlu Dyfed-Powys yn apelio ar unrhyw un sydd â gwybodaeth am y digwyddiad i gysylltu â nhw.