Darganfod asgwrn mewn canolfan ailgylchu yng Nghaernarfon
Cafodd yr asgwrn ei ddarganfod ar stad ddiwydiannol Cibyn yng Nghaernarfon
- Cyhoeddwyd
Mae'r heddlu'n ymchwilio ar ôl i asgwrn gael ei ddarganfod mewn canolfan ailgylchu breifat ar gyrion Caernarfon.
Dywedodd llefarydd ar ran Heddlu'r Gogledd bod rhywun wedi cysylltu â nhw brynhawn Iau, 7 Tachwedd.
Cafodd yr asgwrn ei ddarganfod ar stad ddiwydiannol Cibyn.
Dywedodd yr heddlu bod eu gwaith o archwilio'r safle wedi dod i ben brynhawn Mawrth.