Canfod corff mewn siwt wlyb yng nghronfa ddŵr Cwm Elan
Mae corff person a oedd yn gwisgo siwt wlyb (wetsuit) wedi ei ganfod yng Nghronfa Ddŵr Claerwen
- Cyhoeddwyd
Mae corff person a oedd yn gwisgo siwt wlyb (wetsuit) wedi ei ganfod mewn cronfa ddŵr ym Mhowys, yn ôl yr heddlu.
Cafodd swyddogion eu galw i Gronfa Ddŵr Claerwen ddydd Gwener, 18 Hydref am 08:30.
Dywed yr heddlu eu bod yn credu mai dyn yw'r corff, ond nid yw wedi ei adnabod yn ffurfiol eto.
Mae unrhyw un sydd wedi ymweld â'r gronfa yn ystod yr wyth wythnos ddiwethaf ac wedi sylwi ar unrhyw eiddo personol yn cael eu cynghori i gysylltu â'r heddlu.