Dyn lleol 60 oed wedi marw mewn afon yng Nghaernarfon

Mae Afon Seiont yn cwrdd â'r Fenai ger Castell Caernarfon

Mae dyn lleol 60 oed wedi cael ei ganfod yn farw mewn afon yng Nghaernarfon.

Dywedodd Heddlu Gogledd Cymru eu bod wedi cael eu galw i Afon Seiont tua 13:40 ddydd Sul, ble cafodd corff y dyn ei dynnu o'r dŵr.

Mae'r llu yn dweud nad ydyn nhw'n trin y farwolaeth fel un amheus, ac mae'r crwner yn ymwybodol.

Dywedodd yr heddlu eu bod yn cydymdeimlo â theulu'r dyn, sy'n derbyn cefnogaeth swyddogion arbenigol.