Heddlu'n defnyddio Taser wrth arestio dau yng Nghaernarfon

Cafodd y ddau ddyn eu harestio ar Ffordd Maes Barcer

Mae Heddlu Gogledd Cymru wedi arestio dau berson yn ystod digwyddiad yng Nghaernarfon ddydd Mercher.

Dywedodd yr heddlu eu bod wrthi'n arestio dyn ar Ffordd Maes Barcer ar amheuaeth o ddwyn gan berson, pan ddaeth dau ddyn arall at y swyddogion.

Cafodd un o'r dynion hynny ei arestio yn ddiweddarach ar amheuaeth o drosedd yn erbyn y drefn gyhoeddus yn ymwneud â chasineb.

Ychwanegodd y llu fod y swyddogion wedi defnyddio Taser wrth arestio'r ail ddyn.