Seiclwr 76 oed wedi marw mewn gwrthdrawiad â fan
Fe ddigwyddodd y gwrthdrawiad ar Stryd y Dŵr ym Margam fore Sadwrn
- Cyhoeddwyd
Mae seiclwr 76 oed wedi marw yn dilyn gwrthdrawiad gyda fan yng Nghastell-nedd Port Talbot.
Cafodd y gwasanaethau brys eu galw i'r digwyddiad ar Stryd y Dŵr ym Margam toc wedi 11:15 fore Sadwrn.
Dywedodd yr heddlu fod dyn o Borthcawl, oedd ar feic, wedi marw yn y fan a'r lle ar ôl bod mewn gwrthdrawiad â fan Ford Transit wen.
Mae Heddlu De Cymru yn apelio ar unrhyw berson sydd â gwybodaeth am y digwyddiad i gysylltu â nhw.