Dyn wedi marw mewn gwrthdrawiad ym Mro Morgannwg
Fe ddigwyddodd y gwrthdrawiad ar y B4265 ger cylchdro Heol Pentre'r Cwrt, yn Llanilltud Fawr
- Cyhoeddwyd
Mae dyn wedi marw yn dilyn gwrthdrawiad ym Mro Morgannwg.
Fe gafodd y gwasanaethau brys eu galw i'r B4265 ger cylchdro Heol Pentre’r Cwrt yn Llanilltud Fawr tua 19:30 nos Fawrth.
Mae Heddlu De Cymru yn ymchwilio i achos y gwrthdrawiad ac mae teulu'n dyn wedi cael gwybod.
Dyw'r llu ddim wedi rhyddhau unrhyw wybodaeth bellach am y digwyddiad.
Bu'n rhaid cau'r ffordd a dargyfeirio traffig er mwyn archwilio ardal y gwrthdrawiad.