Gwrthdrawiad angheuol rhwng dau gerbyd yn Sir Gâr
Fe ddigwyddodd y gwrthdrawiad ar yr A4069 rhwng Llangadog a Llanymddyfri
- Cyhoeddwyd
Mae person wedi marw yn dilyn gwrthdrawiad rhwng dau gerbyd yn Sir Gaerfyrddin fore Sul.
Cafodd Heddlu Dyfed-Powys eu galw i'r digwyddiad ar yr A4069 rhwng Llangadog a Llanymddyfri tua 10:30.
Dywedodd y llu mai Volkswagen du a beic modur KTM du oedd yn rhan o'r gwrthdrawiad.
Bu farw un person yn y fan a'r lle.
Mae'r heddlu yn annog unrhyw un allai roi cymorth gyda'u hymchwiliad i gysylltu â nhw.