Gyrrwr wedi marw mewn gwrthdrawiad ar yr A470

Cafodd y gwasanaethau brys eu galw i'r digwyddiad am tua 22:30 nos Sul

Mae person wedi marw yn dilyn gwrthdrawiad rhwng dau gerbyd ar yr A470 ym Mhowys nos Sul.

Cafodd y gwasanaethau brys eu galw i'r digwyddiad am tua 22:30 yn dilyn adroddiadau o wrthdrawiad rhwng Llanidloes a Llandinam.

Hyundai i10 a lori wen oedd y ddau gerbyd oedd yn rhan o'r gwrthdrawiad.

Bu farw gyrrwr yr Hyundai yn y fan a'r lle, ac mae'r teulu wedi cael gwybod.

Bu'r lôn ar gau am gyfnod, ond cafodd ei hailagor am tua 13:20 brynhawn Llun.

Mae Heddlu Dyfed-Powys yn galw ar unrhyw un sydd â gwybodaeth neu luniau dashcam all fod o ddefnydd i'r ymchwiliad i gysylltu â nhw.