Beiciwr modur 20 oed wedi marw mewn gwrthdrawiad
Fe ddigwyddodd y gwrthdrawiad ar yr A44 rhwng Pant-mawr a Llangurig
- Cyhoeddwyd
Mae dyn 20 oed wedi marw yn dilyn gwrthdrawiad ym Mhowys dros y penwythnos.
Fe ddigwyddodd y gwrthdrawiad un cerbyd ar yr A44 rhwng Pant-mawr a Llangurig tua 20:00 nos Sadwrn.
Roedd beic modur Honda du yn teithio i'r gorllewin i gyfeiriad Llangurig pan aeth oddi ar y lôn.
Bu farw gyrrwr y beic modur o'i anafiadau.
Mae teulu'r dyn ifanc wedi cael gwybod ac yn derbyn cefnogaeth gan swyddogion arbenigol.
Mae Heddlu Dyfed-Powys yn apelio am unrhyw un â gwybodaeth i gysylltu â nhw.