Arestio dwy wedi achos o drywanu honedig yn Sir Benfro
Cafodd yr heddlu eu galw i ddigwyddiad yn Precelly Place fore Sul
- Cyhoeddwyd
Mae dwy ddynes wedi eu harestio ar amheuaeth o achosi niwed corfforol difrifol yn dilyn achos honedig o drywanu yn Sir Benfro.
Cafodd Heddlu Dyfed-Powys eu galw i Precelly Place, Aberdaugleddau tua 06:30 fore Sul.
Cafodd un dyn driniaeth yn yr ysbyty am anafiadau nad oedd yn peryglu ei fywyd.
Parhaodd swyddogion ar y safle drwy'r dydd.
Mae'r ddwy ddynes, yn 24 a 34 oed, wedi eu rhyddhau ar fechnïaeth wrth i'r heddlu ymchwilio.