Marwolaeth Abertawe: Dau ddyn yn y llys

Bu farw Andrew Main bedair wythnos ar ôl yr ymosodiad yn Abertawe ym mis Gorffennaf

Mae dau ddyn wedi ymddangos yn y llys ar ôl i ddyn 33 oed farw wedi ymosodiad yn Abertawe.

Bu farw Andrew Main, o Falkirk yn yr Alban, yn yr ysbyty bedair wythnos ar ôl ymosodiad ger mynedfa'r Travelodge ar Ffordd y Dywysoges tua 02:00 ar 17 Gorffennaf.

Ymddangosodd Joseph Dix, 26, o Frome yng Ngwlad yr Haf a Macauley Ruddock, 27 o Gaerfaddon yn Llys y Goron Abertawe i gadarnhau eu henwau.

Mae disgwyl iddyn nhw ymddangos yn y llys eto ar 30 Awst.

Dywedodd Nicola Whelan, a drefnodd ymgyrch i godi arian ar gyfer teulu Mr Main ei fod yn "dad, brawd a ffrind arbennig oedd wrth ei fodd yn cael hwyl".