Dau wedi marw mewn gwrthdrawiad beic modur yn Sir Gâr
Bu farw dau berson yn y gwrthdrawiad ar yr A40, i'r de o Lanymddyfri
- Cyhoeddwyd
Mae dau berson wedi marw mewn gwrthdrawiad beic modur yn Sir Gâr dros y penwythnos.
Fe ddigwyddodd y gwrthdrawiad ar yr A40, i'r de o Lanymddyfri, tua 19:30 ddydd Sadwrn.
Bu farw'r beiciwr, a theithiwr oedd ar gefn y beic, yn y fan a'r lle, meddai Heddlu Dyfed-Powys.
Mae'r heddlu yn annog unrhyw un allai roi cymorth gyda'u hymchwiliad i gysylltu â nhw.