Wynne Evans yn rhoi teyrnged i'w frawd mawr 'hyfryd'

Yn ei deyrnged, disgrifiodd Wynne Evans ei frawd fel ei "arwr a'i ysbrydoliaeth"

Mae Wynne Evans wedi rhoi teyrnged i'w "frawd hynaf hyfryd", wrth iddo gyhoeddi ei farwolaeth.

Roedd Huw Evans, o Gaerfyrddin, yn fargyfreithiwr.

Wrth gyhoeddi ei farwolaeth ar Instagram, dywedodd Wynne: "Rydw i mor drist i ddweud bod fy mrawd hynaf hyfryd wedi marw.

"Fy mrawd mawr oedd fy arwr a fy ysbrydoliaeth."

Ychwanegodd y canwr opera a'r cyflwynydd: "Huw, bydda i'n gweld dy eisiau gymaint a rydw i mor falch dy fod di wedi bod yn rhan o'm mywyd."