Patagonia: Dechrau'r dathlu gyda sioe fawreddog

Mae digwyddiadau i ddathlu 150 o flynyddoedd ers sefydlu'r Wladfa ym Mhatagonia wedi dechrau gyda sioe fawreddog yn ninas Puerto Madryn.

Roedd cantorion, dawnswyr ac acrobatiaid ar y llwyfan i gyfeiliant cerddoriaeth gafodd ei gyfansoddi yn arbennig i'r sioe yng nghanolfan Deportivo Madryn.

Fe wnaeth y perfformwyr ail-greu'r diwrnod gyrhaeddodd y teithwyr yn 1865, gyda pherfformiadau o emynau fel Calon Lan ac Ar Lan y Môr.

Roedd tan gwyllt yn ffrwydro a phapur coch, gwyn a gwyrdd ddisgyn o'r to wrth i'r dorf o gannoedd gymeradwyo'r perfformiad.

Dywedodd Prif Weinidog Cymru, Carwyn Jones, oedd yn y dorf, bod y perfformiad yn "drawiadol".

"Mae'n dangos faint y maen nhw'n trysori eu gwreiddiau yn y rhan yma o'r byd," meddai.

Nid oedd Arlywydd Ariannin, Christina Fernandez de Kirchner, yn y digwyddiad ar ôl iddi gael ei tharo'n wael.

Rhagor o gynnwys ar yr holl ddathliadau ym Mhatagonia.