Aur i'r Gymraes Menna Fitzpatrick yn PyeongChang

Mae'r sgïwr rhannol ddall o Gymru, Menna Fitzpatrick, a'i thywysydd Jen Kehoe, wedi ennill y fedal aur yn y Slalom i fenywod rhannol ddall yng Ngemau Paralympaidd y Gaeaf yn PyeongChang.

Roedd y par wedi curo Henrieta Farkasova a Natalia Subrtova o Slofacia o 0.66 eiliad.

Roedden nhw eisioes wedi ennill dwy fedal arian ac un efydd yn y gemau yn Ne Corea.

• Medal efydd i Menna Fitzpatrick yn PyeongChang

• Medal arall i Menna Fitzpatrick yn PyeongChang

• Medal arian i Menna Fitzpatrick yn PyeongChang

Dywedodd Menna Fitzpatrick wrth y BBC: "Roedden ni am ddangos yr hyn roedden ni'n gallu ei wneud.

"Rwy'n falch iawn o'r hyn rydym wedi ei gyflawni allan yn fanna."

Dyma'r fedal aur gyntaf i tîm GB yn y gemau yn PyeongChang.