Gyrrwr wedi marw yn dilyn gwrthdrawiad yn Llandudno
- Cyhoeddwyd
Fe ddigwyddodd y gwrthdrawiad ar Ffordd Bryniau fore Mercher
Mae dyn lleol wedi marw yn dilyn gwrthdrawiad rhwng dau gar yn Llandudno ddydd Mercher.
Cafodd y gwasanaethau brys eu galw i'r gwrthdrawiad rhwng Suzuki gwyrdd a Mini gwyn ar Ffordd Bryniau am 10:30.
Dywedodd Heddlu Gogledd Cymru y bu farw gyrrwr y Suzuki yn yr ysbyty.
Mae teulu'r dyn yn derbyn cefnogaeth ac mae'r llu yn apelio am dystion i'r digwyddiad.