Corbyn yn addo dydd Gŵyl Dewi Sant fel gwyliau
- Cyhoeddwyd
Bydd Dydd Gŵyl Dewi Sant yn ddiwrnod cenedlaethol o wyliau os bydd y blaid Lafur yn ennill yr etholiad cyffredinol nesaf.
Dyna yw addewid yr arweinydd, Jeremy Corbyn.
Os bydd yn cael ei ethol fel y prif weinidog nesaf mae disgwyl i Mr Corbyn ddweud yn ystod ei araith ddydd Llun y byddai yn creu gwyliau cenedlaethol ar draws y DU er mwyn nodi nawddseintiau Lloegr, yr Alban a Gogledd Iwerddon.
O dan ei gynlluniau byddai'n rhaid i Lywodraeth Cymru gefnogi'r syniad i ganiatáu diwrnodau ychwanegol o wyliau.
Angen cefnogaeth llywodraethau
Nid dyma'r tro cyntaf i Mr Corbyn ddweud y byddai yn rhoi diwrnodau o wyliau ychwanegol i weithwyr Prydain.
Fe wnaeth yr un addewid y llynedd cyn yr etholiad cyffredinol hwnnw ond wnaeth y blaid ddim llwyddo i gipio grym.
Byddai yn rhaid i'r holl lywodraethau datganoledig gefnogi'r pedwar diwrnod o wyliau ar draws y DU er mwyn i'w gynlluniau gael eu gwireddu.
Bydd Jeremy Corbyn yn dweud wrth gynhadledd yn Bournemouth bod gweithwyr Prydain yn haeddu diwrnod arall i ffwrdd o'r gwaith.
Mae cynigion tebyg wedi eu crybwyll yn y gorffennol gan Lafur Cymru, Plaid Cymru, y Ceidwadwyr Cymreig a'r Democratiaid Rhyddfrydol.