Apêl wedi gwrthdrawiad difrifol yn Sir Benfro
- Cyhoeddwyd
Digwyddodd y gwrthdrawiad ar y B4320 rhwng Angle a Hundleton ddydd Llun
Mae Heddlu Dyfed Powys yn apelio am wybodaeth wedi gwrthdrawiad difrifiol ar y ffordd rhwng Hundleton ac Angle yn Sir Benfro ddydd Llun.
Digwyddodd y gwrthdrawiad rhwng tractor a beic ar y B4320 tua 18:30.
Cafodd menyw 44 oed oedd yn reidio'r beic anafiadau difrifol a chafodd ei chludo mewn hofrennydd i'r ysbyty.
Mae hi'n parhau'n ddifrifol wael ond sefydlog yn yr ysbyty.
Roedd y tractor yn teithio tuag at bentref Angle a'r seiclwr yn mynd tuag at Hundleton.
Mae'r heddlu'n gofyn i unrhyw un sydd â gwybodaeth i gysylltu ag uned blismona ffyrdd Sir Benfro drwy ffonio 101.