Arestio dau ddyn wedi tân y tu allan i orsaf heddlu

Mae Heddlu De Cymru wedi cadarnhau fod dau ddyn wedi cael eu harestio yn dilyn tân ar dir Gorsaf Heddlu Penlan, Abertawe.

Am o1:30 fore Mawrth fe gafodd car heddlu ei roi ar dân y tu allan i'r orsaf ar Heol Gwyrosydd.

Fe wnaeth y tân ymledu i'r orsaf, oedd yn wag ar y pryd, gan achosi difrod sylweddol.

Mae dyn 28 oed o Bontardawe a dyn 22 oed o Benlan yn y ddalfa mewn cysylltiad â'r digwyddiad.

Mae'r llu'n apelio ar unrhyw un sydd gyda gwybodaeth am y digwyddiad i gysylltu â nhw ar 101.