Llofruddiaeth Pentywyn: Enwi dyn fu farw

Mae Heddlu Dyfed-Powys wedi cyhoeddi enw'r dyn fu farw mewn maes carafanau ym Mhentywyn, Sir Gaerfyrddin.

Roedd Simon Peter Clark yn 54 oed ac yn dod o Bentywyn.

Cafodd yr heddlu eu galw i faes carafanau'r Grove tua 10:00 ddydd Gwener, lle gafodd ei farwolaeth ei gadarnhau ar y safle.

Mae dyn arall wedi ei arestio ar amheuaeth o lofruddiaeth ac yn cael ei holi yn y ddalfa.

Mae teulu Mr Clark wedi rhoi teyrnged iddo, gan nodi eu bod wedi eu "llorio" gan y newyddion.

Mae'r ymchwiliad yn parhau.