Pedwar dyn wedi'u hanafu mewn gwrthdrawiad ger Abertawe

Mae pedwar dyn wedi cael eu cludo i'r ysbyty gydag anafiadau all beryglu bywyd wedi gwrthdrawiad ger Abertawe.

Fe wrthdarodd y car â choeden ar Ffordd Gellyfowy, Pontardawe am 12:45 ddydd Sadwrn.

Cafodd y gyrrwr a'r tri pherson arall eu hanafu yn ddifrifol, gan dderbyn anafiadau all newid eu bywydau.

Mae Heddlu De Cymru yn apelio am dystion, ac yn gofyn i unrhyw un sydd â gwybodaeth am y digwyddiad i gysylltu â nhw.