Dynes yn yr ysbyty wedi ymosodiad

Mae Heddlu'r Gogledd yn ymchwilio yn dilyn ymosodiad difrifol yn Wrecsam yn oriau man fore Llun, 31 Rhagfyr.

Yn yr ymosodiad fe gafodd dynes anafiadau difrifol iawn i'w hwyneb.

Dywedodd yr heddlu fod yr ymosodiad wedi digwydd ar Ffordd Holt yn y dref.

Cafodd y ddynes ei chludo i Ysbyty Glan Clwyd ym Modelwyddan.

Mae'r heddlu yn gofyn i unrhyw un sydd â gwybodaeth allai fod o gymorth i'r ymchwiliad i gysylltu gyda nhw drwy ffonio 101 a dyfynnu'r cyfeirnod W185648.