Gwrthdrawiad angheuol ar yr A40 yn Sir Benfro

Fe ddigwyddodd y gwrthdrawiad ar yr A40 ger pentref Canaston Bridge

Mae dyn wedi marw wedi i'w gar adael y ffordd ar yr A40 yn Sir Benfro yn gynnar fore Iau.

Cafodd Heddlu Dyfed Powys eu galw i'r digwyddiad ger pentref Canaston Bridge ychydig cyn 04:30.

Fe gafodd y dyn oedd yn gyrru'r cerbyd ei gymryd i'r ysbyty ble bu farw.

Bu'r ffordd ar gau am tua phedair awr tra bo'r gwasanaethau brys yn delio gyda'r digwyddiad.