Euro 2021: Merched Cymru yn yr un grŵp a Gogledd Iwerddon
- Cyhoeddwyd
Cyn bencampwyr y byd, Norwy, yw'r prif ddetholion yng ngrŵp tîm Merched Cymru ar gyfer gemau rhagbrofol Euro 2021.
Roedd Cymru yn yr ail bot, gyda Belarws, Gogledd Iwerddon a'r Ynysoedd Ffaro yn ymuno â nhw yng Ngrŵp C.
Bydd Merched Cymru yn gobeithio adeiladu ar ymgyrch calonogol iawn y llynedd a welodd dîm Jayne Ludlow yn gorffen yn ail i Loegr yng ngemau rhagbrofol Cwpan y Byd.
Cafodd y grwpiau eu dewis mewn seremoni arbennig yn Nyon, Y Swistir ddydd Iau.
Bydd y gystadleuaeth yn cael ei chynnal yn Lloegr ym mis Gorffennaf 2021.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.