Gwrthdrawiad angheuol ar yr A48 ger Cross Hands
- Cyhoeddwyd
Digwyddodd y gwrthdrawiad ar yr A48 cyn cyffordd Cwmgwili
Bu farw cerddwr yn dilyn gwrthdrawiad ar yr A48 ger Cross Hands yn Sir Gaerfyrddin yn ystod oriau mân fore Sul.
Digwyddodd y gwrthdrawiad rhwng y cerddwr â cherbyd ar y lôn ddwyreiniol ger cyffordd Cwmgwili oddeutu 01:20.
Mae Uned Plismona'r Ffyrdd yn awyddus i unrhyw dystion i gysylltu gyda nhw drwy ffonio 101.
Bydd angen i lygad-dystion ddyfynnu'r cyfeirnod DP-20190224-34.