Beiciwr modur yn marw mewn gwrthdrawiad yng Nghilgeti

Mae beiciwr modur wedi marw mewn gwrthdrawiad ger Cilgeti yn Sir Benfro fore Llun.

Cafodd y gwasanaethau brys eu galw i gylchfan Cilgeti ar yr A477 yn dilyn adroddiadau o wrthdrawiad yn cynnwys un beic modur.

Bu farw'r gyrrwr yn y fan a'r lle ac mae'r teulu wedi cael gwybod am y newyddion.

Mae'r ffordd ar gau ar hyn o bryd ac mae Heddlu Dyfed-Powys wedi cynghori teithwyr i gadw draw o'r ardal am y tro.