Y Bencampwriaeth: Abertawe 1-1 Derby County
- Cyhoeddwyd
Routledge yn gwneud hi'n gyfartal rhwng y ddau dîm
Roedd hi'n gêm fywiog ar Stadiwm Liberty nos Fercher wrth i Abertawe sicrhau gêm gyfartal yn erbyn Derby County yn eu gêm olaf gartref y tymor hwn.
Yr ymwelwyr sgoriodd gyntaf hanner ffordd trwy'r hanner gyntaf gan gryfhau eu gobeithion o ennill eu lle yng ngemau ail gyfle'r Bencampwriaeth.
Ond bu'n rhaid i dîm Frank Lampard fodloni ar bwynt yn unig wedi i Wayne Routledge, un o chwaraewyr disgleiria'r gêm, rwydo i'r Elyrch ar ôl 66 o funudau.
Mae Derby yn aros yn y chweched safle tra bod Abertawe yn nawfed yn y tabl.
Cyn y gêm roedd 'na gyfle i'r dorf a'r ddau dim werthfawrogi cyfraniad Alan Curtis sydd yn ymddeol ar ôl 40 mlynedd o wasanaeth i Abertawe fel chwaraewr a hyfforddwr.