Cadarnhau enw dyn fu farw mewn damwain gleider

Mae crwner gogledd Cymru wedi cadarnhau enw'r dyn fu farw yn dilyn damwain gleider ym Mlaenau Ffestiniog.

Bu farw Nigel John Howes, 64 oed o Stockport ger Manceinion, yn y digwyddiad ar ddydd Sadwrn, 4 Mai.

Roedd Heddlu Gogledd Cymru wedi gyrru timau i chwilio amdano wedi iddo beidio â dychwelyd o daith, a cafwyd hyd i'r gleider a chorff Mr Howes.

Mae prawf post mortem wedi'i gynnal ac mae'r crwner Dewi Pritchard Jones yn disgwyl am y canlyniadau.