Douthwaite yn rhoi cyfle i Forgannwg yn Sir Derby

Fe wnaeth Dan Douthwaite sgorio 39 gyda'r bat hefyd

Mae bowlio gwych Dan Douthwaite wedi rhoi cyfle da i Forgannwg ar ddiwrnod olaf y gêm yn erbyn Sir Derby ddydd Mercher.

Fe wnaeth Morgannwg ddechrau'r trydydd diwrnod ar 214-4, ac fe lwyddon nhw i gyrraedd sgôr o 346 cyn colli eu wiced olaf.

Roedd hynny'n golygu bod yr ymwelwyr ar ei hôl hi o 32 rhediad ar ddiwedd y batiad cyntaf, yn dilyn sgôr agoriadol o 378 i Sir Derby.

Er i'r tîm cartref gael dechrau addawol i'w hail fatiad, fe wnaeth bowlio gwych Douthwaite yn y prynhawn gadw Sir Derby i sgôr o 171-9.

Mae hynny'n golygu bod gan Sir Derby fantais o 203 rhediad cyn y diwrnod olaf ddydd Mercher.