Bachgen yn yr ysbyty wedi gwrthdrawiad ger ysgol Llansawel
- Cyhoeddwyd
Digwyddodd y gwrthdrawiad ger Ysgol Carreg Hir yn Llansawel
Mae bachgen wedi ei gludo i'r ysbyty yn dilyn gwrthdrawiad ger ysgol fore Iau.
Digwyddodd y gwrthdrawiad rhwng car a cherddwr ger Ysgol Carreg Hir yn Llansawel, Castell-nedd Port Talbot.
Cafodd ambiwlans awyr, ambiwlans ffordd a cherbyd ymateb brys eu galw ychydig cyn 09:00.
Mae'r bachgen wedi ei gludo i Ysbyty Treforys yn Abertawe, ond does dim gwybodaeth am ei gyflwr.