'Diolch, Dad' - gan blant Ysgol Pen-y-Bryn, Bethesda
- Cyhoeddwyd
Ar Sul y Tadau, gwyliwch ddisgyblion Ysgol Pen-y-Bryn, Bethesda yn darllen cerdd ddoniol gan Fardd Plant Cymru, Gruffudd Owen:
Criw ysgol Pen-y-Bryn, Bethesda yn darllen cerdd gan y Prifardd Gruffudd Eifion Owen
Sul y Tadau
Am bob Pizza nes di losgi,
am roi strestsh ar ambell stori
ac am ganmol doniau ciami,
diolch Dad.
Am newid clwt a gwthio pram
am gofio rhoi 'day off' i Mam
am adael inni fyw ar Jam;
diolch, Dad.
Am y llu o jocs echrydus
a'r sesiynnau cosi campus
nes i mi bron bi-pi'n fy nhrywsus;
diolch Dad.
Am chwyrnu'n uchel dros y lle,
am brynu cacen siop i de,
am ddangos inni be' 'di be',
diolch, Dad.
Am bob cerdyn nas danfonwyd
a phob ffenest tŷ a chwalwyd
a phob dim nas gwerthfawrogwyd,
sori, Dad.
Mae hon yn swydd heb glod na bri'
na lot o barch, fel gwyddost ti,
ond ti'n dal yno'n gefn i ni;
diolch, Dad.
Am annog inni dynny'n groes
a gadael inni dynnu coes,
am ddewis gneud y job am oes,
diolch, Dad.
Am bob awr o rwdlian gwirion
a thrwsio beics a thrwsio calon
ac am nad ydw i'n ddeud o ddigon,
diolch, Dad.
Hefyd o ddiddordeb: