Arestio dyn wedi marwolaeth menyw 30 oed yn Abertawe
- Cyhoeddwyd
Cafodd corff menyw ei ddarganfod mewn tŷ ar Heol Llangyfelach yn Abertawe
Mae dyn wedi cael ei arestio ar amheuaeth o ddynladdiad yn dilyn marwolaeth menyw yn Abertawe.
Cafodd Heddlu De Cymru eu galw i Heol Llangyfelach am tua 20:15 nos Sadwrn ar ôl i gorff menyw 30 oed gael ei ganfod.
Cafodd dyn 49 oed ei arestio ar amheuaeth o ddynladdiad ac mae'n cael ei gadw yn y ddalfa.
Mae ystafell benodol wedi'i neilltuo yng ngorsaf heddlu'r Cocyd wrth i'r heddlu ymchwilio i sut fu farw'r fenyw.
Dylai unrhyw un sydd â gwybodaeth a all fod o gymorth i'r heddlu eu ffonio ar 101.